କାଶୀ ବିଶ୍ବନାଥ ମନ୍ଦିର ପରିସରରେ ଥିବା ଜ୍ଞାନବାପି ମସଜିଦ ଖନନ ପାଇଁ ଏଏସଆଇକୁ କୋର୍ଟଙ୍କ ନିର୍ଦ୍ଦେଶ

0 183
greentech

ବାରାଣାସୀ : ବାରାଣାସୀ ବା କାଶୀର ପ୍ରସିଦ୍ଧ ବିଶ୍ବନାଥ ମନ୍ଦିର ପରିସରରେ ଥିବା ଜ୍ଞାନବାପି ମସଜିଦ ଖନନ ପାଇଁ ଏକ ସ୍ଥାନୀୟ କୋର୍ଟ ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା (ଏଏସଆଇ)କୁ ଅନୁମତି ଦେଇଛନ୍ତି । ଏହି ଖନନ କାର୍ଯ୍ୟର ସମସ୍ତ ଖର୍ଚ୍ଚ ବହନ କରିବାକୁ କୋର୍ଟ ଉତ୍ତରପ୍ରଦେଶ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।

ଜ୍ଞାନବାପି ମସଜିଦକୁ ହିନ୍ଦୁମାନଙ୍କୁ ଦିଆଯାଉ ବୋଲି ଦାବି କରି ଜଣେ ସ୍ଥାନୀୟ ଓକିଲ ଭି.ଏସ. ରସ୍ତୋଗୀ ବାରାଣାସୀ ଜିଲ୍ଲା କୋର୍ଟରେ ଏକ ପିଟିସନ ଦାଏର କରିଥିଲେ । ନିଜର ଆବେଦନରେ ସେ ଦର୍ଶାଇଥିଲେ ଯେ ୧୬୬୪ରେ ମୋଗଲ ସମ୍ରାଟ ଆଉରେଙ୍ଗଜେବ ୨୦୦୦ ବର୍ଷ ପୁରୁଣା ଏହି ବିଶ୍ବନାଥ ମନ୍ଦିରର କିଛି ଅଂଶକୁ ଭାଙ୍ଗି ମସଜିଦ ତିଆରି ପାଇଁ ନିର୍ଦ୍ଦେଶ ଦେଇଥିଲେ । ତେବେ ରସ୍ତୋଗୀଙ୍କ ଏହି ପିଟିସନକୁ ଜ୍ଞାନବାପି ମସଜିଦ କମିଟି ବିରୋଧ କରିଥିଲେ ।

ଅଯୋଧ୍ୟା ରାମ ମନ୍ଦିର ପରେ କାଶୀ ବିଶ୍ବନାଥ ମନ୍ଦିରର ଖନନ ପାଇଁ ଏଏସଆଇକୁ ନିର୍ଦ୍ଦେଶ ଦିଆଯିବା ପରେ ଭବିଷ୍ୟତରେ ଏହାକୁ ନେଇ ଆଉ ଏକ ବିବାଦ ସୃଷ୍ଟିହେବାର ଆଶଙ୍କା ରହିଛି । ଜିଲ୍ଲା କୋର୍ଟଙ୍କ ଏହି ରାୟ ବିରୁଦ୍ଧରେ ମସଜିଦ କମିଟି ହାଇକୋର୍ଟରେ ଆବେଦନ କରିବାର ସମ୍ଭାବନା ରହିଛି ।

Leave A Reply

Your email address will not be published.

19 + three =

error: Content is protected !!
Open chat