ତ୍ରିରଙ୍ଗାର ଅପମାନ କରିଛନ୍ତି କେଜ୍ରିୱାଲ: ପ୍ରହଲ୍ଲାଦ ପଟେଲ

0 249
greentech

ନୂଆଦିଲ୍ଲୀ : କରୋନା ସଙ୍କଟ ସମୟରେ କେନ୍ଦ୍ର ସରକାର ଏବଂ ଦିଲ୍ଲୀ ସରକାରଙ୍କ ମଧ୍ୟରେ ପୁଣି ଥରେ ବିବାଦ ଦେଖିବାକୁ ମିଳିଛି। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ତ୍ରିରଙ୍ଗାରଅପମାନ କରିଥିବା କେନ୍ଦ୍ରମନ୍ତ୍ରୀ ପହଲ୍ଲାଦ ସିଂହ ପଟେଲ ଅଭିଯୋଗ କରିଛନ୍ତି। ଏହି ପ୍ରସଙ୍ଗକୁ ନେଇ କେନ୍ଦ୍ରମନ୍ତ୍ରୀ ଦିଲ୍ଲୀ ଉପରାଜ୍ୟପାଳ ଅନିଲ ବୈଜଲ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଚିଠି ମଧ୍ୟ ଲେଖିଛନ୍ତି।
କେନ୍ଦ୍ର ସଂସ୍କୃତି ଏବଂ ପର୍ଯ୍ୟଟନ ମନ୍ତ୍ରୀ ପ୍ରହଲ୍ଲାଦ ପଟେଲ କହିଛନ୍ତି ଯେ, କିଛିଦିନ ତଳେ ସେ କେଜ୍ରିୱାଲଙ୍କ ସାମ୍ବାଦିକ ସମ୍ମିଳନୀ ଦେଖୁଥିଲେ। ତାଙ୍କ ପଛରେ ଲଗାଯାଇଥିବା ୨ଟି ତ୍ରିରଙ୍ଗା ପତାକାରେ ଧଳା ରଙ୍ଗ ଉପରେ ସବୁଜ ପଟିକୁ ବୃଦ୍ଧି କରାଯାଇଥିଲା। ସେ ଏଥିପାଇଁ କେଜ୍ରିୱାଲ ଏବଂ ଉପରାଜ୍ୟପାଳଙ୍କୁ ପତ୍ର ଲେଖିଛନ୍ତି। ଏହାର ଗୃହ ମନ୍ତ୍ରଣାଳୟ ପକ୍ଷରୁ ଜାରି ନିର୍ଦେଶାବଳୀର ଉଲ୍ଲଂଘନ ବୋଲି ପ୍ରହ୍ଲାଦ କହିଛନ୍ତି।

ମୁଖ୍ୟମନ୍ତ୍ରୀ କେଜ୍ରିୱାଲ ଏହାକୁ ସଂଶୋଧନ କରିବା ଲାଗି ପ୍ରହ୍ଲାଦ ଚିଠିରେ ଲେଖିଛନ୍ତି। ସେହିପରି ଏହି ପ୍ରସଙ୍ଗ ଉପରେ ଦୃଷ୍ଟି ଦେବାକୁ ଉପରାଜ୍ୟପାଳଙ୍କୁ ଅନୁରୋଧ କରିଛନ୍ତି। ସୂଚନାଯୋଗ୍ୟ, ବର୍ତ୍ତମାନ କରୋନା ମୁଖ୍ୟମନ୍ତ୍ରୀ କେଜ୍ରିୱାଲ ଅନେକ ସମୟରେ ଭିଡିଓ କନ୍‌ଫରେନ୍ସ ଜରିଆରେ ସାମ୍ବାଦିକ ସମ୍ମିଳନୀ କରୁଛନ୍ତି। ଗଣମାଧ୍ୟମକୁ ସମ୍ବୋଧିତ କରିବା ସମୟରେ ତାଙ୍କ ପଛ ପଟେ ସବୁବେଳେ ୨ଟି ତିରଙ୍ଗା ରହିଥିବା ଦେଖାଯାଇଥାଏ। ତେବେ ତ୍ରିରଙ୍ଗାକୁ ନିୟମ ଅନୁସାରେ ଲଗାଇବାକୁ ନେଇ କେନ୍ଦ୍ରମନ୍ତ୍ରୀ ଆପତ୍ତି ଉଠାଇଛନ୍ତି।

Leave A Reply

Your email address will not be published.

1 × five =

error: Content is protected !!
Open chat