ବିମାନ ଭଳି ଏଣିକି ରେଳରେ ଦେଖିବାକୁ ମିଳିବ ‘ଟ୍ରେନ ହୋଷ୍ଟେସ’

0 559
greentech

ନୂଆଦିଲ୍ଲୀ ୧୦/୧୨/୨୦୨୧ କଳିଙ୍ଗ ଜ୍ୟୋତି : ଯଦି ଆପଣ କେବେ ବିମାନରେ ଯାତ୍ରା କରିଥିବେ, ତେବେ ଆପଣ ଜାଣିଥିବେ ଯେ ଯାତ୍ରୀଙ୍କ ସୁବିଧା ପାଇଁ ଏୟାର ହୋଷ୍ଟେସ୍ ଥାଆନ୍ତି । କିନ୍ତୁ ବର୍ତ୍ତମାନ ଭାରତୀୟ ରେଳବାଇ ମଧ୍ୟ ବିମାନ ସେବା ସହ ପ୍ରତିଦ୍ୱନ୍ଦ୍ୱିତା କରିବାକୁ ପ୍ରସ୍ତୁତ ହେଉଛି। ଖୁବ୍ ଶୀଘ୍ର ବିମାନ ଭଳି ଟ୍ରେନରେ ମଧ୍ୟ ଟ୍ରେନ୍ ହୋଷ୍ଟେସ୍ ରହିବେ । ଏହା ବ୍ୟତୀତ ରେଳବାଇ ଟ୍ରେନରେ ଅନେକ ସୁବିଧା ଯୋଗାଇବାକୁ ଯାଉଛି। ସୂଚନା ମୁତାବକ ଭାରତୀୟ ରେଳବାଇ ଖୁବ୍ ଶୀଘ୍ର ପ୍ରିମିୟମ୍ ଟ୍ରେନରେ ଟ୍ରେନ୍ ହୋଷ୍ଟେସ୍ ସେବା ଆରମ୍ଭ କରିବ । ପ୍ରାରମ୍ଭରେ, ଏହି ସେବା ବନ୍ଦେ ଭାରତ ଏକ୍ସପ୍ରେସ, ଗତିମାନ ଏକ୍ସପ୍ରେସ ଏବଂ ତେଜସ ଏକ୍ସପ୍ରେସ ପରି ପ୍ରିମିୟମ ଟ୍ରେନରେ ଉପଲବ୍ଧ ହେବ ।

ତେବେ ବର୍ତ୍ତମାନ ପାଇଁ ରାଜଧାନୀ ଏକ୍ସପ୍ରେସ ଏବଂ ଦୁରୋନ୍ତ ଏକ୍ସପ୍ରେସ ପରି ଦୂରାନ୍ତର ପ୍ରିମିୟମ ଟ୍ରେନରେ ଏହି ସେବା ଯୋଗାଇ ଦିଆଯିବ ନାହିଁ ।ଏହି ଟ୍ରେନ୍ ହୋଷ୍ଟେସମାନେ କେବଳ ଦିନରେ ସେବା ପ୍ରଦାନ କରିବେ | ରେଳବାଇର ଜଣେ ଅଧିକାରୀଙ୍କ ଅନୁଯାୟୀ, କେବଳ ମହିଳା ହୋଷ୍ଟେସ ରହିବେ ନାହିଁ ବରଂ ପୁରୁଷ ହୋଷ୍ଟେସ ମଧ୍ୟ ରହିବେ । ସମସ୍ତ ଟ୍ରେନ୍ ହୋଷ୍ଟେସଙ୍କୁ ରେଳବାଇ ଦ୍ୱାରା ମଧ୍ୟ ତାଲିମ ଦିଆଯିବ ।

ଆଇଆରସିଟିସି ଅଧିକାରୀ କହିଛନ୍ତି ଯେ ପ୍ରିମିୟମ ଟ୍ରେନରେ ହୋଷ୍ଟେସ ନିଯୁକ୍ତିର ମୂଳ ଉଦ୍ଦେଶ୍ୟ ହେଉଛି ଯାତ୍ରୀମାନଙ୍କୁ ଉନ୍ନତ ସୁବିଧା ଯୋଗାଇବା ସହ ଯାତ୍ରୀମାନଙ୍କୁ ଟ୍ରେନରୁ ଓହ୍ଲାଇବା ଓ ଚଢାଇବାରେ ସେମାନେ ସାହାଯ୍ୟ କରିବେ । ଅଧିକାରୀ କହିଛନ୍ତି ଯେ ଟ୍ରେନର ଗୋଟିଏ କୋଚରେ ଜଣେ ମହିଳା ଏବଂ ଜଣେ ପୁରୁଷଙ୍କୁ ଟ୍ରେନ୍ ହୋଷ୍ଟେସ୍ ଭାବରେ ନିୟୋଜିତ କରିବାର ଯୋଜନା ରହିଛି। କେବଳ ସେହି ଟ୍ରେନରେ ଟ୍ରେନ୍ ହୋଷ୍ଟେସ୍ ନିୟୋଜିତ ହେବେ, ଯାହାକି ୧୨ରୁ ୧୮ଘଣ୍ଟା ମଧ୍ୟରେ ଯାତ୍ରା ସମାପ୍ତ କରିପାରୁଥିବ ।

Leave A Reply

Your email address will not be published.

13 − 5 =

error: Content is protected !!
Open chat