IIT ଆଡ଼ମିଶନ ୨୦୨୦ : କରୋନା ପାଇଁ କୋହଳ ହେବ ନିୟମ,କ୍ରାଇଟେରିଆରେ ପରିବର୍ତ୍ତନ

ନୂଆଦିଲ୍ଲୀ ୧୮।୦୭: ଚଳିତ ବର୍ଷ ସରକାର ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି(IIT)ରେ ଆଡମିଶନ ପାଇଁ ମାନଦଣ୍ଡରେ କିଛିଟା ପରିବର୍ତ୍ତନ ଆଣିବାକୁ ଯାଉଛନ୍ତି ସରକାର। ଏନେଇ ମାନବ ସମ୍ବଳ ବିକାଶ ମନ୍ତ୍ରୀ ଘୋଷଣା କରିଛନ୍ତି । ମାନବ ସମ୍ବଳ ବିକାଶ ମନ୍ତ୍ରୀ ଡକ୍ଟର ରମେଶ ପୋଖରିଆଆଲ ନିଶଙ୍କ କହିଛନ୍ତି ଯେ, ବିଭିନ୍ନ ବୋର୍ଡ ଦ୍ୱାରା ଦ୍ୱାଦଶ ଶ୍ରେଣୀ ପରୀକ୍ଷାକୁ ଆଂଶିକ ବାତିଲ କରିବା ଦୃଷ୍ଟିରୁ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି (IIT)ରେ ଚଳିତ ବର୍ଷ ଆଡମିଶନ ପାଇଁ ମାନଦଣ୍ଡରେ କିଛିଟା ପରିବର୍ତ୍ତନ କରାଯାଇଛି ।

ମାନବ ସମ୍ବଳ ବିକାଶ ମନ୍ତ୍ରୀ ଡକ୍ଟର ରମେଶ ପୋଖରିଆଆଲ ନିଶଙ୍କ ଟ୍ୱିଟ୍ କରି କହିଛନ୍ତି ଯେ, ବିଭିନ୍ନ ବୋର୍ଡ ଦ୍ୱାରା ଦ୍ୱାଦଶ ଶ୍ରେଣୀ ପରୀକ୍ଷାକୁ ଆଂଶିକ ବାତିଲ୍ କରି ମିଳିତ ନାମଲେଖା ବୋର୍ଡ (JAB) ଏଥର JEE ଆଡଭାନ୍ସଡ୍ ୨୦୨୦ ପାସ୍ ଛାତ୍ରଛାତ୍ରୀଙ୍କ ପାଇଁ ଆଡମିଶନର ମାନଦଣ୍ଡରେ କିଛିଟା କୋହଳ କରିବାକୁ ନିଷ୍ପତ୍ତି ନିଆଯାଇଛି । ଯେଉଁ ଯୋଗ୍ୟ ଛାତ୍ରମାନେ  ଦ୍ୱାଦଶ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି । ସେମାନେ ଆବେଦନ କରିପାରିବେ ।

ଆଡମିଶନ ପାଇବାକୁ ସେମାନେ ଯୋଗ୍ୟ ହେବେ । ତାଙ୍କୁ ପରୀକ୍ଷାରେ ମିଳିଥିବା ମାର୍କ ସେମାନଙ୍କ ପାଇଁ କୌଣସି ଫରକ ପଡ଼ିବ ନାହିଁ। ନିଶଙ୍କ କହିଛନ୍ତି ଯେ ଆଇଆଇଟିରେ ଆଡମିଶନ ପାଇଁ JEE ଆଡଭାନ୍ସ ପାସ୍ କରିବା ବ୍ୟତୀତ ଦ୍ୱାଦଶ ବୋର୍ଡ ପରୀକ୍ଷାରେ ସର୍ବନିମ୍ନ ୭୫ ପ୍ରତିଶତ ମାର୍କ ପାଇବାକୁ ପଡିବ କିମ୍ବା ଯୋଗ୍ୟତା ପରୀକ୍ଷାରେ ଶ୍ରେଷ୍ଠ ୨୦ ପ୍ରତିଶତ ଯୋଗ୍ୟତା ହାସଲ କରିବାକୁ ପଡିବ ।