କରୋନା ଟୀକାକରଣ : ୮୩କୋଟି ସରିଞ୍ଜ୍‍ କିଣିବା ପାଇଁ ସରକାରଙ୍କର ନିର୍ଦ୍ଦେଶ, ଆସନ୍ତାକାଲିଠାରୁ ଦେଶ ବ୍ୟାପି ଡ୍ରାଏ ରନ୍

0 297
greentech


ନୂଆଦିଲ୍ଲୀ : ଦେଶରେ କୋଭିଡ୍‍ ପ୍ରତିଷେଧକ ଟିକା ପ୍ରଦାନ ଲାଗି କେନ୍ଦ୍ର ସରକାର ୮୩କୋଟି ସରିଞ୍ଜ୍‍ କିଣିବା ପାଇଁ ନିର୍ଦ୍ଦେଶ ଦେଇଛନ୍ତି। ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ମିଳିଥିବା ସୂଚନା ଅନୁଯାୟୀ ଇତିମଧ୍ୟରେ ୩୫କୋଟି ସିରିଞ୍ଜ ପାଇଁ ଟେଣ୍ଡର ଆହ୍ୱାନ କରାଯାଇଛି। ପ୍ରାଥମିକତା ଦୃଷ୍ଟିରୁ ୩୦କୋଟି ଲୋକଙ୍କୁ ପ୍ରଥମପର୍ଯ୍ୟାୟରେ ଏହି ଟୀକା ପ୍ରଦାନ କରାଯିବ। ସେମାନଙ୍କ ମଧ୍ୟରେ ସ୍ୱାସ୍ଥ୍ୟ କର୍ମଚାରୀ, କୋଭିଡ ପରିଚାଳନା କ୍ଷେତ୍ରରେ କାର୍ଯ୍ୟରତ ସ୍ୱେଚ୍ଛାସେବୀ ଏବଂ ପରିମଳ କର୍ମଚାରୀଙ୍କୁ ଅନ୍ତର୍ଭୁକ୍ତ କରାଯାଇଛି।
କୋଭିଡ ପରିଚାଳନା ସଂକ୍ରାନ୍ତ ଜାତୀୟ ବିଶେଷଜ୍ଞ କମିଟି ପ୍ରତିଷେଧକ ଟିକା ପ୍ରଦାନ ଲାଗି ସ୍ୱାସ୍ଥ୍ୟ କର୍ମଚାରୀ, ଆଗୁଆ କରୋନା ଯୋଦ୍ଧା ଏବଂ କେତେକ ନିର୍ଦ୍ଧିଷ୍ଟ ବୟସର ଲୋକଙ୍କୁ ପ୍ରାଥମିକତା ଦେବାକୁ ସୁପାରିସ୍‍ କରିଥିଲା। ଟିକାର ସଂରକ୍ଷଣ ଲାଗି ଦେଶର ୨୮ହଜାର ୯୪୭ଟି କୋଲ୍ଡ ଚେନ ପଏଣ୍ଟରେ ୮୫ହଜାର ୬୩୪ଟି ଫ୍ରିଜର ସ୍ଥାପନ ଲାଗି ପଦକ୍ଷେପ
ନିଆଯାଇଛି ବୋଲି ସ୍ୱାସ୍ଥ୍ୟମନ୍ତ୍ରଣାଳୟ ସୂଚନା ଦେଇଛି।

ଅନ୍ୟ ପକ୍ଷରେ ଆସନ୍ତାକାଲିଠାରୁ ଦେଶ ବ୍ୟାପି ଡ୍ରାଏ ରନ୍ ଆରମ୍ଭ କରାଯିବ।

Leave A Reply

Your email address will not be published.

4 + ten =

error: Content is protected !!
Open chat