ଜନସଂଖ୍ୟା ନିୟନ୍ତ୍ରଣ ପାଇଁ କଡ଼ା ଆଇନ ଆଣିବାକୁ କେନ୍ଦ୍ର ମନ୍ତ୍ରୀଙ୍କ ଦାବି

0 170
greentech

ପାଟନା: ଜନସଂଖ୍ୟା ନିୟନ୍ତ୍ରଣ ନିହାତି ଜରୁରୀ। ସାମାଜିକ ସ୍ତରରେ ସମନ୍ବୟ ରକ୍ଷା କ୍ଷେତ୍ରରେ ଜନସଂଖ୍ୟା ନିୟନ୍ତ୍ରଣ ଗୁରୁତ୍ଵପୂର୍ଣ୍ଣ। ତେଣୁ ଏଥିପାଇଁ କଡ଼ା ଆଇନ ଆଣିବାକୁ କେନ୍ଦ୍ରମନ୍ତ୍ରୀ ଗିରିରାଜ ସିଂହ ଦାବି କରିଛନ୍ତି।

ଗିରିରାଜ ଏହି ପ୍ରସଙ୍ଗ ଉଠାଇ କହିଛନ୍ତି, ଦେଶର ବିକାଶ ଏବଂ ସାମାଜିକ ସୌହାର୍ଦ୍ଦ୍ୟ ରକ୍ଷା ଦିଗରେ ଜନସଂଖ୍ୟା ନିୟନ୍ତ୍ରଣ ପ୍ରସଙ୍ଗର ମହତ୍ଵପୂର୍ଣ୍ଣ ଭୂମିକା ରହିଛି। ଲୋକମାନେ ଏହି ପ୍ରସଙ୍ଗକୁ ଧର୍ମ କିମ୍ବା ଭୋଟ ବ୍ୟାଙ୍କ ଦୃଷ୍ଟିରେ ଦେଖିବା ଉଚିତ ନୁହେଁ।

ଗଣମାଧ୍ୟମ ସହିତ ଆଲୋଚନା ବେଳେ ବିହାରର ଏହି ବରିଷ୍ଠ ବିଜେପି ନେତା ଜଣକ କହିଛନ୍ତି, ଦେଶରେ ଜନସଂଖ୍ୟା ନିୟନ୍ତ୍ରଣ କରିବା ଲାଗି ଏକ କଠୋର ଆଇନ ଅଣାଯିବା ଦରକାର। ଏ ସମ୍ପର୍କରେ ସଂସଦରେ ଆଲୋଚନା କରାଯିବା ଉଚିତ। ସୂଚନାଯୋଗ୍ୟ, ବିହାରରେ ଲଭ୍‌ ଜିହାଦ ଏବଂ ଜନସଂଖ୍ୟା ନିୟନ୍ତ୍ରଣ ପାଇଁ ଆଇନ ଲାଗୁ କରିବା ସକାଶେ ଗିରିରାଜ ମୁଖ୍ୟମନ୍ତ୍ରୀ ନିତିଶ କୁମାରଙ୍କ ନିକଟରେ ଦାବି କରିବାର ସପ୍ତାହକ ପରେ ଏହି କଥା କହିଛନ୍ତି।

ଗିରିରାଜ ଆହୁରି ମଧ୍ୟ କହିଛନ୍ତି, ରାଜ୍ୟ ସରକାର ହୃଦୟଙ୍ଗମ କରିବା ଉଚିତ ଯେ ଜନସଂଖ୍ୟା ନିୟନ୍ତ୍ରଣ ଏବଂ ଲଭ୍‌ ଜିହାଦକୁ ରୋକିବା ସାମାଜିକ ସୌହାର୍ଦ୍ଦ୍ୟ ସହିତ ଜଡିତ ଏବଂ ସାମ୍ପ୍ରଦାୟିକତାକୁ ପ୍ରୋତ୍ସାହିତ କରିବା ସହ ଏହା ସମାନ ନୁହେଁ।

Leave A Reply

Your email address will not be published.

fifteen − eight =

error: Content is protected !!
Open chat