ଜୁନ ଶେଷସୁଦ୍ଧା ଖୋଲିବ ବନିହାଲ-କାଜିଗଣ୍ଡ୍‍ ଟନେଲ

0 343
greentech

ଶ୍ରୀନଗର ୦୯/୦୬/୨୦୨୧ କଳିଙ୍ଗ ଜ୍ଯୋତି ବ୍ଯୁରୋ : ଜାମ୍ମୁ-ଶ୍ରୀନଗର ୨୭୦ କିଲୋମିଟର ଦୀର୍ଘ ଜାତୀୟ ରାଜପଥରେ ବନିହାଲ-କାଜିଗଣ୍ଡ ଟନେଲ ନିର୍ମାଣ କାର୍ଯ୍ୟ ଶେଷ ହୋଇଛି। ୮.୫ କିଲୋମିଟର ଦୀର୍ଘ ଏହି ଡବଲ ଟ୍ୟୁବ ଟନେଲ ନିର୍ମାଣ ଶେଷହେବା ପରେ ତାହାକୁ ସଂପ୍ରତି ପରୀକ୍ଷା ନିରୀକ୍ଷା ଏବଂ ଯାନବାହନ ଚଳାଚଳ ଦୃଷ୍ଟିରୁ ପରୀକ୍ଷା କରାଯାଉଛି। ଚଳିତ ଜୁନ୍‍ ମାସ ଶେଷରେ ଏହାକୁ ଯାତାୟତ ପାଇଁ ଉନ୍ମୁକ୍ତ କରାଯିବ ବୋଲି ଜଣାଯାଇଛି। ଏହି ଟନେଲ ଶୀତ ଋତୁରେ କାଶ୍ମୀର ଉପତ୍ୟକା ସହିତ ସଡକ ଯୋଗାଯୋଗ କ୍ଷେତ୍ରରେ ଏହା ଜୀବନରେଖା ଭାବରେ କାର୍ଯ୍ୟକରିବ।
ଟନେଲ ନିର୍ମାଣ ଦାୟିତ୍ୱ ନେଇଥିବା ନବଯୁଗ ଇଞ୍ଜିନିୟରିଂ କମ୍ପାନୀ ଲିମିଟେଡ (ଏନଇସିଏଲ) ଅଧିକାରୀ କହିଛନ୍ତି ଯେ ଏହ ଆଗାମୀ କିଛି ସପ୍ତାହ ମଧ୍ୟରେ କାର୍ଯ୍ୟକ୍ଷମ ହେବା ଆଶା ରହିଛି। ଟନେଲ ନିର୍ମାଣ ପରେ ସେଥିରେ ବାୟୁ ଚଳାଚଳ ଏବଂ ବିଦ୍ୟୁତ ବ୍ୟବସ୍ଥା ସ୍ଥାପନ କରାଯାଇଛି। ଏବେ ସେସବୁର ପରୀକ୍ଷଣ ଚାଲିଛି। ଜଣାଯାଇଛି ଯେ ଏହି ଟନେଲ କାର୍ଯ୍ୟକ୍ଷମ ହେବାପରେ ଏହା ଜାମ୍ମୁର ବନିହାଲ ଏବଂ ଦକ୍ଷିଣ କାଶ୍ମୀରର କାଜିଗଣ୍ଡ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ଯୋଗାଯୋଗ ପଥ ହେବ ଏବଂ ଯାନବାହନକୁ ଜବାହାର ଟନେଲ ଏବଂ ସୈତାନ ନାଲ୍ଲା ଦେଇ ଯିବାକୁ ପଡିବ ନାହିଁ। ଉକ୍ତ ରାସ୍ତାରେ ଶୀତ ଋତୁରେ ଭୀଷଣ ତୁଷାରପାତ ହେବା ସହିତ ତାହା ଯାନବାହନ ଚଳାଚଳ ପାଇଁ ଅନୁପଯୋଗୀ ହୋଇଯାଏ। ତାହାସହିତ ନୂଆ ଟନେଲ ୫୮୭୦ ଫୁଟ ଉଚ୍ଚତା ବା ୧୭୯୦ ମିଟର ଉପରେ ରହିଛି, ଯାହା ଜବାହାର ଟନେଲଠାରୁ ୪୦୦ ମିଟର କମ୍‍। ଏହି କାରଣରୁ ଉକ୍ତ ସ୍ଥାନରେ ମାଟି ଅତଡା ଧସିବା ଆଶଙ୍କା ମଧ୍ୟ କମ୍‍ ରହିଛି। ଏସବୁ ସହିତ ନୂଆ ଟନେଲ ଦ୍ୱାରା ବନିହାଲ ଏକଂ କାଜିଗଣ୍ଡ ମଧ୍ୟରେ ଦୂରତା ସଂପ୍ରତି ୩୫ କିଲୋମିଟରରୁ ୧୬ କିଲୋମିଟରକୁ ହ୍ରାସପାଇବ। ଏହି ଟନେଲରେ ୧୨୬ଟି ଜେଟ୍‍ ପଙ୍ଖା, ୨୩୪ ସିସିଟିଭି କ୍ୟାମେରା ଏବଂ ଅଗ୍ନିନିର୍ବାପକ ବ୍ୟବସ୍ଥା ଖଞ୍ଜାଯାଇଛି। ଟନେଲର ଦୁଇଟି ଟୁବ୍ୟ ମଧ୍ୟରେ ପ୍ରତି ୫୦୦ ମିଟର ଦୂରତାରେ ଏକ କରିଡର ନିର୍ମାଣ କରାଯାଇଛି, ଯାହା ଜରୁରୀ ପରିସ୍ଥିତିରେ ବ୍ୟବହାର କରାଯାଇପାରିବ।

Leave A Reply

Your email address will not be published.

one × 3 =

error: Content is protected !!
Open chat