ସୁପ୍ରିମକୋର୍ଟଙ୍କ ବଡ ନିଷ୍ପତ୍ତି, ସୋସିଆଲ ମିଡିଆ ପୋଷ୍ଟ ପାଇଁ ହେବନି ଜେଲ୍

0 427
greentech

କଳିଙ୍ଗ ଜ୍ଯୋତି ବ୍ଯୁରୋ ନୂଆଦିଲ୍ଲୀ ୧୯/୦୭ : ସୂଚନା ପ୍ରଯୁକ୍ତି ବିଦ୍ୟା ଅଧିନିୟମର ଧାରା ‘୬୬ କ’  ଉପରେ ଐତିହାସିକ ନିଷ୍ପତ୍ତି ନେଇ ସୁପ୍ରିମକୋର୍ଟ ଏହାକୁ ଅସାମ୍ବିଧାନିକ ଘୋଷଣା କରିବା ସହିତ ରଦ୍ଦ କରିଦେଇଛନ୍ତି।

ଆଇଟି ଆକ୍ଟର ଏହି ଧାରା ସମ୍ବିଧାନର ଅନୁଚ୍ଛେଦ ‘୧୯(୧)କ’ ର ଉଲ୍ଲଂଘନ କରୁଛି ବୋଲି କୋର୍ଟ କହିଛନ୍ତି । ଯାହାକି ଭାରତର ନାଗରିକଙ୍କୁ ଭାଷଣ ଅବା ଅଭିବ୍ୟକ୍ତିର ସ୍ୱାଧୀନତା ଦେଇଥାଏ। କୋର୍ଟ କହିଛନ୍ତି ଧାରା ‘୬୬ କ’ ହେଉଛି  ଅଭିବ୍ୟକ୍ତିର ସ୍ୱାଧୀନତା ବା ମୌଳିକ ଅଧିକାରର ଉଲ୍ଲଂଘନ।

କୋର୍ଟଙ୍କ ନିର୍ଦ୍ଦେଶ ପରେ ଫେସବୁକ୍, ଟ୍ୱିଟର, ଲିଙ୍କ୍ଡ ଇନ୍, ହ୍ବାଟ୍ସଆପ୍ ଭଳି ସୋସିଆଲ ମିଡିଆ ମିଡିଆ ବା ସାମାଜିକ ଗଣ ମାଧ୍ୟମରେ କୌଣସି ପୋଷ୍ଟ କରିଥିବାରୁ କାହାକୁ ଗିରଫ କରାଯିବ ନାହିଁ।

ଏହାପୂର୍ବରୁ, ଧାରା ‘୬୬ କ’  ଅନୁଯାୟୀ, ଇଣ୍ଟରନେଟରେ କୌଣସି ଲେଖା ଆଧାରରେ ପୁଲିସ ପାଖରେ କାହାକୁ ଗିରଫ କରିବାର ଅଧିକାର ଥିଲା। ସୁପ୍ରିମକୋର୍ଟରେ ଦାଖଲ ହୋଇଥିବା ପିଟିସନରେ ଆଇଟି ଆକ୍ଟର ଧାରା ‘୬୬ କ’ କୁ ଚ୍ୟାଲେଞ୍ଜ କରାଯାଇଥିଲା।

ଆବେଦନକାରୀ ଶ୍ରେୟା ସିଙ୍ଗଲ ଏହି ନିଷ୍ପତ୍ତିକୁ ଏକ ପ୍ରମୁଖ ବିଜୟ ବୋଲି ଦର୍ଶାଇ କହିଛନ୍ତି ଯେ, ସୁପ୍ରିମକୋର୍ଟ ଲୋକମାନଙ୍କର ବକ୍ତବ୍ୟ ତଥା ଅଭିବ୍ୟକ୍ତିର ସ୍ୱାଧୀନତା ଅଧିକାରକୁ କାଏମ ରଖିଛନ୍ତି ବା ସମର୍ଥନ କରିଛନ୍ତି।

Leave A Reply

Your email address will not be published.

12 − six =

error: Content is protected !!
Open chat