![greentech](https://i0.wp.com/kalingajyoti.com/wp-content/uploads/2022/07/greentech2.jpg?w=1170&ssl=1)
କଟକ, (କଳିଙ୍ଗ ଜ୍ୟୋତି ବ୍ୟୁରୋ),୧୨/୦୭ : ଚିକିତ୍ସାଧୀନ ଅବସ୍ଥାରେଶିଶୁର ମୃତ୍ୟୁ ପରେ ତା’ର ବାପା-ମାଆ ମୃତଦେହକୁ ସାଙ୍ଗରେ ନନେଇ, ଶେଷକୃତ୍ୟ ନକରି ମେଡିକାଲରେ ଛାଡ଼ି ପଳାଇଛନ୍ତି । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଏସ୍ସିବି ଆଇସୋଲେସନ୍ ୱାର୍ଡରେ । କରୋନା ସଂକ୍ରମଣ ଓ ତଦ୍ଜନିତ ପରୀକ୍ଷା ନିରୀକ୍ଷାର ଲମ୍ବା ପ୍ରକ୍ରିୟାକୁ ଡରି ଶିଶୁଟିର ପିତା-ମାତା ବାଧ୍ୟବାଧକତାରେ ଏମିତି କରିଥିବା କଥା କୁହାଯାଉଛି । କରୋନାର ଏହା ଏକ କରୁଣ କଷଣ ବୋଲି ମଧ୍ୟ କୁହାଯାଉଛି । ଅନ୍ୟପଟେ, କରୋନା କାଳରେ ସଂପର୍କର ପରିଭାଷା ଓ ବାତ୍ସଲ୍ୟ ମମତା କେମିତି ବଦଳି ଯାଇଛି, ଏହା ତା’ର ନମୁନା ବୋଲି ମଧ୍ୟ ଚର୍ଚ୍ଚା ହେଉଛି ।
![](https://i0.wp.com/kalingajyoti.com/wp-content/uploads/2020/07/hthytjty.jpg?resize=575%2C383)
ସୂଚନା ଅନୁସାରେ, ବର୍ଷକର ଶିଶୁପୁତ୍ରକୁ ବାପା-ମା’ ଗୁରୁତର ଅବସ୍ଥାରେ ବଲାଙ୍ଗୀରରୁ ଏସ୍ସିବି ମେଡିକାଲକୁ ଆଣି ଆସିଥିଲେ । ମେଡିକାଲ୍ର ଆଇସୋଲେସ୍ନ ୱାର୍ଡ ଆଇସିୟୁରେ ରଖି ତା’ର ଚିକିତ୍ସା କରାଯାଉଥିଲା । ହେଲେ ଚିକିତ୍ସାଧୀନ ଅବସ୍ଥାରେ ଶିଶୁଟିର ମୃତ୍ୟୁ ଘଟିଥିଲା । ଶିଶୁର ମୃତ୍ୟୁ ପରେ ବାପା-ମା’ ଆଜି ମେଡିକାଲ ଛାଡ଼ି ପଳାଇଛନ୍ତି । ଶିଶୁର ସ୍ୱାବ୍ ପରୀକ୍ଷା ନିମନ୍ତେ ପଠାଯାଇଛି । ରିପୋର୍ଟ ଆସିବା ପରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ମେଡିକାଲ ପକ୍ଷରୁ କୁହାଯାଇଛି ।
![This image has an empty alt attribute; its file name is frdfgrg.jpg](https://kalingajyoti.com/wp-content/uploads/2020/07/frdfgrg.jpg)