ନୂଆଦିଲ୍ଲୀ : କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ନିଶଙ୍କ ଆଜି ସିବିଏସଇ ୧୦ମ ଓ ୧୨ଶ ଶ୍ରେଣୀ ବୋର୍ଡ ପରୀକ୍ଷାର ବିଭିନ୍ନ ବିଷୟ ପାଇଁ ତାରିଖ ସୂଚୀ ଘୋଷଣା କରିଛନ୍ତି ।
ଏହି ବୋର୍ଡ ପରୀକ୍ଷା ମେ ୪ରୁ ଆରମ୍ଭ ହୋଇ ଜୁନ ୧୦ ପର୍ଯ୍ୟନ୍ତ ଚାଲିବ । ସେହିପରି ମାର୍ଚ୍ଚ ୧ରୁ ପ୍ରାକ୍ଟିକାଲ ପରୀକ୍ଷା ଆରମ୍ଭ ହେବ । ଶିକ୍ଷାମନ୍ତ୍ରୀ ନିଜ ଟ୍ବିଟର ହାଣ୍ଡଲରେ ଏହି ପରୀକ୍ଷା ବିଷୟ ସୂଚୀ ଘୋଷଣା କରିଛନ୍ତି ।
ଗତ ଡିସେମ୍ବର ୩୧ରେ ଶିକ୍ଷାମନ୍ତ୍ରୀ ପରୀକ୍ଷାର ଆରମ୍ଭ ଓ ଶେଷ ତାରିଖ ଘୋଷଣା କରିଥିଲେ, ମାତ୍ର ପରୀକ୍ଷାର ବିଷୟସୂଚୀ ଘୋଷଣା କରାଯାଇ ନଥିଲା ।
ଏହା ସହିତ ସେ ସ୍ପଷ୍ଟ କରିଦେଇଥିଲେ ଯେ ସିବିଏସଇ ୧୦ମ ଓ ୧୨ଶ ବୋର୍ଡ ପରୀକ୍ଷା ଅଫଲାଇନ ମୋଡରେ ହିଁ ହେବ । କାରଣ ଅନେକ ପରୀକ୍ଷା କେନ୍ଦ୍ର ଗ୍ରାମାଞ୍ଚଳରେ ରହିଛି ।
