ହିମାଚଳ ପ୍ରଦେଶରେ ମେ ୬ ରୁ ୧୬ ତାରିଖ ୧୦ ଦିନିଆ କର୍ଫ୍ୟୁ ଜାରି

0 310
greentech

ସିମଲା: ମେ ୬ ତାରିଖ ମଧ୍ୟରାତ୍ୟରୁ ମେ ୧୬ ତାରିଖ ପର୍ଯ୍ୟନ୍ତ ହିମାଚଳ ପ୍ରଦେଶରେ କରୋନା କର୍ଫ୍ୟୁ ଲାଗି ରାଜ୍ୟ ସରକାର ଘୋଷଣା କରିଛନ୍ତି । ଏହି କର୍ଫ୍ୟୁ ସମୟରେ ସମସ୍ତ କାର୍ଯ୍ୟାଳୟ ବନ୍ଦ ରହିବ ବୋଲି କୁହାଯାଇଛି । କେବଳ ଅତ୍ୟାବଶ୍ୟକ ସେବାକୁ ବ୍ୟତୀତ ଅନ୍ୟ ସମସ୍ତ ସେବା ଉପରେ ବି କଟକଣା ଲଗାଯାଇଛି । ସେହିଭଳି ଆରଟିପିସିଆର ଟେଷ୍ଟର ନେଗେଟିଭ୍ ରିପୋର୍ଟ ବିନା କେହି ବି ବାହାରକୁ ବାହାରିବାକୁ ଅନୁମତି ମିଳିବ ନାହିଁ ।

ଏହା ବ୍ୟତୀତ ରାଜ୍ୟ ସରକାର ଦଶମ ଶ୍ରେଣୀ ବୋର୍ଡ ପରୀକ୍ଷା ବିନା ସମସ୍ତ ଛାତ୍ର ଛାତ୍ରୀଙ୍କୁ ଉପର ଶ୍ରେଣୀକୁ ଉତ୍ତୀର୍ଣ୍ଣ କରିବେ ବୋଲି ଘୋଷଣା କରିଛନ୍ତି । କହି ରଖୁ କି ମଙ୍ଗଳବାର ଦିନ ହିମାଚଳ ପ୍ରଦେଶରେ ୩,୮୨୪ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୧୦,୯୪୫ କୁ ବୃଦ୍ଧି ପାଇଛି ।

ବିଭାଗୀୟ ଅଧିକାରୀଙ୍କ ସୂଚନା ମୁତାବକ ଗତ ୨୪ ଘଂଟା ମଧ୍ୟରେ ରାଜ୍ୟରେ କରୋନା ସଂକ୍ରମଣରେ ୪୮ ଜଣ ପ୍ରାଣ ହରାଇଛନ୍ତି । ଏହାକୁ ମିଶାଇ ରାଜ୍ୟରେ କରୋନା ସଂକ୍ରମଣରେ ମୋଟ ୧,୬୪୭ ଜଣଙ୍କର ଜୀବନ ଗଲାଣି ।

Leave A Reply

Your email address will not be published.

5 × two =

error: Content is protected !!
Open chat