ଉଦ୍ୟୋଗଗୁଡିକ ପାଇଁ ଦ୍ୱାର ଖୋଲିଲା ଇସ୍ରୋ ।

0 143
greentech

ନୂଆଦିଲ୍ଲୀ (କଳିଙ୍ଗଜ୍ୟୋତି ବ୍ୟୁରୋ) ୨୫/୦୬ : ଘରୋଇ ଉଦ୍ୟୋଗଗୁଡିକ ପାଇଁ ସ୍ପେସ୍ ସେକ୍ଟର ଖୋଲି ଇସ୍ରୋ ପାଇଁ ସଂସ୍କାରମୂଳକ ପଦକ୍ଷେପ କାର୍ଯ୍ୟକାରୀ କରିବାକୁ ସରକାର ନିଷ୍ପତ୍ତି ନେଇଛନ୍ତି । ଏହା ଭାରତର ଶିଳ୍ପ ଭିତ୍ତିଭୂମି ବିସ୍ତାର କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ।ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ) ଘରୋଇ କମ୍ପାନୀଗୁଡ଼ିକ ପାଇଁ ନିଜର ଦ୍ବାର ଉନ୍ମୁକ୍ତ କରିଛି । ଫଳରେ ଭାରତର ସ୍ପେଶ୍‌ ସେକ୍ଟରରେ ଏଣିକି ଘରୋଇ କମ୍ପାନୀଗୁଡ଼ିକ କାର୍ଯ୍ୟ କରିପାରିବେ। ଏହି ଅବସରରେ ଇସ୍ରୋ ଅଧ୍ୟକ୍ଷ କେ. ସିବନ କହିଛନ୍ତି, ସ୍ପେଶ୍‌ ସେକ୍ଟରରେ ଭାରତ ଉନ୍ନତ ମହାକାଶ ପ୍ରଯୁକ୍ତିବିଦ୍ୟା ଥିବା ଦେଶଗୁଡ଼ିକ ମଧ୍ୟରୁ ଗୋଟିଏ ।

ସେ ଆହୁରି କହିଥିଲେ, ଦୀର୍ଘସ୍ଥାୟୀ ସାମାଜିକ-ଅର୍ଥନୈତିକ ସଂସ୍କାରର ଏକ ଅଂଶ ଭାବରେ ମହାକାଶ ସଂସ୍କାର ଭାରତର ବିକାଶ ପାଇଁ ମହାକାଶ ଭିତ୍ତିକ ସେବାରେ ପ୍ରବେଶକୁ ଉନ୍ନତ କରିବ। ମହାକାଶ କ୍ଷେତ୍ରରେ ଘରୋଇ କମ୍ପାନୀଗୁଡିକର କାର୍ଯ୍ୟକଳାପକୁ ଅନୁମତି ଏବଂ ନିୟନ୍ତ୍ରଣ କରିବା ଦିଗରେ ନିରପେକ୍ଷ ନିଷ୍ପତ୍ତି ନେବା ପାଇଁ ସରକାର ନ୍ୟାଶନାଲ ସେଣ୍ଟର ଫର ସ୍ପେଶ୍‌, ପ୍ରମୋଶନ ଆଣ୍ଡ ଅଥରିଟି ଅଫ ଇଣ୍ଡିଆ ନାମରେ ଏକ ସ୍ୱୟଂଶାସିତନୋଡାଲ ସଂସ୍ଥା ପ୍ରତିଷ୍ଠା ଲାଗି ଅନୁମୋଦନ କରିଛନ୍ତି ବୋଲି ସିବନ କହିଛନ୍ତି। ଦୀର୍ଘକାଳୀନ ସଂସ୍କାର ଭାରତକୁ କେତେକ ଦେଶର ସ୍ପେସ୍ କାର୍ଯ୍ୟକଳାପ ପାଇଁ ଦକ୍ଷ ପ୍ରଚାର ଏବଂ ପ୍ରାଧିକରଣ ପ୍ରଣାଳୀରେ ସାମିଲ କରିବ।

Leave A Reply

Your email address will not be published.

20 + 17 =

error: Content is protected !!
Open chat