ଓଡ଼ିଶାରେ ଜିଓର ଦବ୍‌ଦବା ଜାରି, ଏପ୍ରିଲରେ ରାଜ୍ୟରେ ୭୨,୦୦୦ରୁ ଅଧିକ ଗ୍ରାହକ ଯୋଡ଼ିଲା:ଟ୍ରାଇ

0 288
greentech

କଳିଙ୍ଗ ଜ୍ୟୋତି ବ୍ୟୁରୋ ଭୁବନେଶ୍ୱର ୩୦/୦୭:ଓଡ଼ିଶାର ପସନ୍ଦର ଡିଜିଟାଲ୍ ସେବା ପ୍ରଦାନକାରୀ ଭାବେ ନିଜର ଜୟଯାତ୍ରା ଜାରି ରଖି ୨୦୨୦ ଏପ୍ରିଲରେ ରିଲାଏନ୍ସ ଜିଓ ରାଜ୍ୟରେ ୭୨, ୦୦୦ରୁ ଅଧିକ ନୂଆ ଗ୍ରାହକ ଯୋଡ଼ିଥିବା ଭାରତୀୟ ଟେଲିକମ ନିୟାମକ ପ୍ରାଧିକରଣ (ଟ୍ରାଇ) ପକ୍ଷରୁ ପ୍ରକାଶ କରାଯାଇଥିବା ସଦ୍ୟତମ ଟେଲିକମ୍ ଗ୍ରାହକ ତଥ୍ୟରୁ ଜଣାପଡ଼ିଛି।

ସର୍ବାଧିକ ସଂଖ୍ୟକ ମୋବାଇଲ ଗ୍ରାହକଙ୍କ ସହ ରାଜ୍ୟ ମୋବାଇଲ ବଜାର ଅଂଶର ସିଂହଭାଗ ଅଧିକାର କରିଥିବା ରିଲାଏନ୍ସ ଜିଓ ଏଥିସହିତ ଏହାର ନେତୃôତ୍ୱ ସ୍ଥିତିକୁ ଆହୁରି ସୁଦୃଢ଼ କରିଛି। ଟ୍ରାଇ ପକ୍ଷରୁ ନିକଟରେ ଜାରି କରାଯାଇଥିବା ଟେଲିକମ୍ ଗ୍ରାହକ ତଥ୍ୟ ଅନୁଯାୟୀ ରିଲାଏନ୍ସ ଜିଓ ରାଜ୍ୟରେ ଏକ କୋଟି ପଚିଶ ଲକ୍ଷ ସତାଅଶୀ ହଜାର ପାଞ୍ଚଶହ ସତାଅଶୀ (୧, ୨୫, ୮୭, ୫୮୭) ମୋବାଇଲ ଗ୍ରାହକ ହାସଲ କରିବା ସହ ୩୮ ପ୍ରତିଶତରୁ ଅଧିକ ଗ୍ରାହକ ବଜାର ଅଂଶ ଦଖଲ କରିଛି। ସମ୍ପୂର୍ଣ୍ଣ ୪ଜି ନେଟୱର୍କ, ବିସ୍ତୃତ ଅଂଚଳରେ ଜିଓ ୪ଜି ନେଟୱର୍କର ଦ୍ରୁତ ସଂପ୍ରସାରଣ ଓ ଓଡ଼ିଶାର କୋଣ ଅନୁକୋଣରେ ଦ୍ରୁତ ଗତିର ୪ଜି ଇଟଂରନେଟ ସେବା ପ୍ରଦାନ ବଳରେ ରାଜ୍ୟରେ ଜିଓର ଗ୍ରାହକ ସଂଖ୍ୟା ନିରନ୍ତର ଭାବେ ଓ ଦ୍ରୁତ ଗତିରେ ବୃଦ୍ଧି ପାଉଛି।

ଅନ୍ୟ ସେବା ପ୍ରଦାନକାରୀଗୁଡ଼ିକଙ୍କ ମଧ୍ୟରୁ ଭାରତୀ ଏୟାରଟେଲ ଏପ୍ରିଲ୍ ମାସରେ ଓଡିଶାରେ ୨-୨୫ ଲକ୍ଷ ଗ୍ରାହକ ହରାଇଥିବା ବେଳେ ଏହା ପଛକୁ ଭୋଡାଫୋନ ଆଇଡିଆ ମଧ୍ୟ ଏହି ମାସରେ ୭୫, ୦୦୦ରୁ ଅଧିକ ମୋବାଇଲ ଗ୍ରାହକଙ୍କୁ ହରାଇଥିବା ଟ୍ରାଇ ପକ୍ଷରୁ ଜାରି କରାଯାଇଥିବା ଉପଭୋକ୍ତା ତଥ୍ୟରୁ ଜଣାପଡ଼ିଛି। ଜିଓ ବ୍ୟତୀତ, ବିଏସଏନଏଲ ଏହି ସମୟରେ ରାଜ୍ୟରେ ପ୍ରାୟ ୨୦, ୦୦୦ ନୂଆ ଗ୍ରାହକ ଯୋଡ଼ିଛି। ଏପ୍ରିଲ୍‌ରେ ଓଡ଼ିଶାରେ ମୋଟ ଉପରେ ମୋବାଇଲ ଗ୍ରାହକଙ୍କ ସଂଖ୍ୟାରେ ପ୍ରାୟ ୨ ଲକ୍ଷ ହ୍ରାସ ଘଟି ୨୦୨୦ ଏପ୍ରିଲ ୩୦ ସୁଦ୍ଧା ମୋବାଇଲ ଗ୍ରାହକ ସଂଖ୍ୟା ୩-୩୧ କୋଟିକୁ ହ୍ରାସ ପାଇଥିବା ବେଳେ ଟେଲି ସାନ୍ଧ୍ରତା ୭୫-୯୬କୁ ହ୍ରାସ ପାଇଛି।

ଜାତୀୟ ସ୍ତରରେ ମଧ୍ୟ ଏକମାତ୍ର ସେବା ପ୍ରଦାନକାରୀ ଭାବେ ରିଲାଏନ୍ସ ଜିଓ ୨୦୨୦ ଏପ୍ରିଲରେ ନୂତନ ଗ୍ରାହକ ଯୋଡିଛି। ଏହି ମାସରେ ଲକ୍‌ଡାଉନ୍ ସତ୍ତ୍ୱେ ଜିଓ ୧୫.୭୫ ଲକ୍ଷ ଗ୍ରାହକ ଯୋଡ଼ିଥିବା ଓ ଅନ୍ୟ ଅପରେଟରମାନେ ଲକ୍ଷାଧିକ ଗ୍ରାହକ ହରାଇଛନ୍ତି। ଟ୍ରାଇ ପକ୍ଷରୁ ଜାରି କରାଯାଇଥିବା ଗ୍ରାହକ ତଥ୍ୟ ଅନୁଯାୟୀ, ଏୟାରଟେଲ ଏହି ମାସରେ ସାରା ଦେଶରେ ୫୨.୭ ଲକ୍ଷ ଗ୍ରାହକ ହରାଇଥିବା ବେଳେ ଏହା ପଛକୁ ଭୋଡାଫୋନ ଆଇଡିଆ ୪୫.୧୬ ଲକ୍ଷ ଓ ବିଏସନଏନଏଲ ଏହି ସମୟରେ ୨୦, ୦୦୦ରୁ ଅଧିକ ଗ୍ରାହକ ହରାଇଛି।

ଉଲ୍ଲେଖଯୋଗ୍ୟ ଯେ, ରିଲାଏନ୍ସ ଜିଓ ଓଡ଼ିଶାର ସବୁଠୁ ପସନ୍ଦର ଡିଜିଟାଲ ସେବା ପ୍ରଦାନକାରୀ ହୋଇ ରହିବା ସହ ପ୍ରତି ମାସରେ ସର୍ବାଧିକ ସଂଖ୍ୟକ ନୂତନ ଗ୍ରାହକ ଯୋଡ଼ୁଥିବା ବେଳେ ଅନ୍ୟମାନେ ବିପୁଳ ସଂଖ୍ୟକ ଗ୍ରାହକ ହରାଉଛନ୍ତି। ୨୦୧୯ ଡିସେମ୍ବରରେ ଓଡ଼ିଶାରେ ଏକ ନମ୍ବର ସ୍ଥାନ ହାସଲ କରିବା ପରେ ରିଲାଏନ୍ସ ଜିଓ ୨୦୨୦ ଆର୍ଥିକ ବର୍ଷର ପ୍ରଥମ ତିନି ମାସରେ ୭ ଲକ୍ଷରୁ ଅଧିକ ନୂତନ ଗ୍ରାହକ ଯୋଡ଼ିଥିବା ବେଳେ ସେହି ସମାନ ସମୟରେ ଭାରତୀ ଏୟାରଟେଲ ଓ ଭୋଡାଫୋନ ଆଇଡିଆ ମିଳିତ ଭାବରେ ପ୍ରାୟ ୬ ଲକ୍ଷ ଗ୍ରାହକ ହରାଇଥିଲେ।

Leave A Reply

Your email address will not be published.

twelve + nine =

error: Content is protected !!
Open chat