ପୁଣି ନିଜର ବଦାନ୍ୟତା ଦେଖାଇଲେ ସୋନୁ ସୁଦ୍ : ପରିବା ବିକ୍ରି କରୁଥିବା ଜଣେ ସଫ୍ଟୱେର ଇଞ୍ଜିନିୟରଙ୍କୁ ଚାକିରି ଦେଲେ

0 298
greentech

କଳିଙ୍ଗ ଜ୍ୟୋତି ବ୍ୟୁରୋ ମୁମ୍ବଇ ୨୯/୦୭ : କରୋନା ସମୟରେ ପ୍ରବାସୀ ଶ୍ରମିକଙ୍କ ପାଇଁ ଦେବଦୂତ ସାଜିଥିବା ଅଭିନେତା ସୋନୁ ସୁଦ୍‌ ସମାଜର ସବୁ ବର୍ଗର ଅସହାୟମାନଙ୍କୁ ସହାୟତା କରିବାକୁ ଆଗେଇ ଆସିଛନ୍ତି। କାହାକୁ ଚାଷ କରିବାକୁ ଟ୍ରାକ୍ଟର ଦେଉଛନ୍ତି ତ ଅନ୍ୟ କେଉଁଠି ଚାକିରି ହରାଇଥିବା ଯୁବପିଢ଼ିଙ୍କୁ ଚାକିରି ଦେଉଛନ୍ତି। ଏହିପରି ଏକ ଘଟଣା ସାମ୍ନାକୁ ଆସିଛି ହାଇଦ୍ରାବାଦରୁ। ପରିବା ବିକ୍ରି କରୁଥିବା ଜଣେ ସଫ୍ଟୱେର ଇଞ୍ଜିନିୟରଙ୍କୁ ସୋନୁ ଚାକିରି ବି ଦେଇଛନ୍ତି।

ସୂଚନା ଅନୁସାରେ, କରୋନା ଯୋଗୁ ହାଇଦ୍ରାବାଦର ସାରଦା ନାମ୍ନୀ ଜଣେ ମହିଳା ସଫ୍ଟୱେର ଇଞ୍ଜିନିୟର ଚାକିରି ହରାଇଥିଲେ। ଏହା ପରେ ସେ ପରିବା ବିକ୍ରି କରିବାକୁ ବାଧ୍ୟ ହୋଇଥିଲେ। ସେ ପରିବା ବିକ୍ରି କରୁଥିବାର ସମୟର ଏକ ଭିଡିଓ ଟ୍ବିଟରରେ ଶେୟାର ହୋଇଥିଲା। ଜଣେ ଟ୍ବିଟର ବ୍ୟବହାରକାରୀ ଏହି ଭିଡିଓକୁ ସୋନୁ ସୁଦଙ୍କ ସହିତ ଟ୍ୟାଗ୍‌ କରି ଶେୟାର କରିଥିଲେ। ଯଦି ଆପଣ କୌଣସି ପ୍ରକାର ସାହାଯ୍ୟ କରିପାରନ୍ତି ତେବେ କରନ୍ତୁ ବୋଲି ସେ ସୋନୁଙ୍କୁ ଅନୁରୋଧ କରିଥିଲେ। ଏହାର ଉତ୍ତର ଦେଇ ସୋନୁ ଲେଖିଥିଲେ, ‘‘ମୋର ଅଧିକାରୀ ତାଙ୍କୁ ଭେଟିଛନ୍ତି। ତାଙ୍କର ସାକ୍ଷାତ୍‌କାର ନିଆଯାଇ ସାରିଛି। ଜବ୍‌ ଲେଟର ବି ପଠାଇ ଦିଆଯାଇଛି। ଜୟ ହିନ୍ଦ୍‌।’’ ସୋନୁଙ୍କ ଏହି ପଦକ୍ଷେପକୁ ଢେର୍‌ ପ୍ରଶଂସା କରାଯାଇଛି।

ସୂଚନାଯୋଗ୍ୟ, ଲକ୍‌ଡାଉନ ଯୋଗୁ କର୍ମସଂସ୍ଥାନ ହରାଇଥିବା ପ୍ରବାସୀ ଶ୍ରମିକଙ୍କ ପାଇଁ ସୋନୁ ‘ପ୍ରବାସୀ ରୋଜଗାର’ ନାମରେ ଏକ କାର୍ଯ୍ୟକ୍ରମ ଆରମ୍ଭ କରିଛନ୍ତି। ଏହା ଜରିଆରେ ସେ ଅନେକଙ୍କୁ ଚାକିରି ଦେବାକୁ ଉଦ୍ୟମ କରିଛନ୍ତି।

Leave A Reply

Your email address will not be published.

5 × four =

error: Content is protected !!
Open chat