ରାଜଗାଙ୍ଗପୁର: ଜୁଆ ଆଡ୍ଦା ଉପରେ ପୋଲିସ ଚଢ଼ଉ – ୧୬ ଗିରଫ, ୩୭,୭୩୪ ଟଙ୍କା ସମେତ, ୩ ମଟର ସାଇକେଲ,୧୬ଟି ମୋବାଇଲ ଫୋନ ଜବତ
![greentech](https://i0.wp.com/kalingajyoti.com/wp-content/uploads/2022/07/greentech2.jpg?w=1170&ssl=1)
ରାଜଗାଙ୍ଗପୁର,(କଳିଙ୍ଗ ଜ୍ୟୋତି ବ୍ୟୁରୋ/ସୌମ୍ୟଜିତ ସ୍ୱାଇଁ),୧୯/୦୮: ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ସହରରେ ନିଶା ଓ ଜୁଆ ଖେଳ ଦିନକୁ ଦିନ ବଢ଼ିବାରେ ଲାଗିଛି। ଛୁଆ ଠାରୁ ବୁୁୁୁୁୁଢା ପର୍ଯ୍ୟନ୍ତ ଆବାଳବୃଦ୍ଧ ସମସ୍ତେ ଏହି କୁ-କାର୍ଯ୍ୟରେ ଲିପ୍ତ ରହୁଛନ୍ତି। ଫଳରେ ସମାଜରେ ଏହାର କୁପ୍ରଭାବ ପଡୁଛି।
![](https://i0.wp.com/kalingajyoti.com/wp-content/uploads/2020/08/rgp1.jpg?resize=1024%2C498&ssl=1)
ଗତକାଲି, ମଙ୍ଗଳବାର ରାତି ପ୍ରାୟ ୯ଟା ସମୟରେ ରାଜଗାଙ୍ଗପୁର ପୋଲିସ ପକ୍ଷରୁ ସହରରେ ପଟ୍ରୋଲିଂ ଚାଲିଥିବା ସମୟରେ ପୋଲିସ ପଟ୍ରୋଲିଂ ଟିମ, ବିଶେଷ ସୂତ୍ରରୁ ଖବରପାଇ ଏସ.ଆଇ. ଖଗପତି ବିଶ୍ୱାଳ, ମୁକୁନ୍ଦ ମୁରାରୀ ପାତ୍ରଙ୍କ ନେତୃତ୍ୱରେ ପୋଲିସ ଟିମ ଓ ଅନ୍ୟ ପୋଲିସ କର୍ମଚାରୀମାନେ ରବାନି ଛକ ନିକଟ ଭାଟିରୋଡ଼ ନିକଟରେ ଥିବା ଜୁଆଆଡ୍ଦା ଉପରେ ଅତର୍କିତ ଚଢ଼ଉ କରିଥିଲେ । ସେଠାରେ ଜୁଆ ଖେଳୁଥିବା ସମୟରେ ରାଜଗାଙ୍ଗପୁର ପୋଲିସ ଅତର୍କିତ ଭାବେ ଚଢ଼ଉ କରି ୧୬ଜଣଙ୍କୁ ଗିରଫ କରିବା ସହ ସେମାନଙ୍କ ଠାରୁ ନଗଦ ୩୭,୭୩୪ ଟଙ୍କା ସମେତ ୩ଟି ମଟର ସାଇକେଲ, ୧୬ଟି ମୋବାଇଲ ଫୋନ ଓ କିଛି ତାସ ଜବତ କରାଯାଇଛି। ରାଜଗାଙ୍ଗପୁର ପୋଲିସର ଏ ଭଳି ସମୟୋଚିତ ଏବଂ ତ୍ୱରିତ ପଦକ୍ଷେପକୁ ସାଧାରଣରେ ସ୍ୱାଗତ କରାଯାଉଛି।