ସୁଶାନ୍ତ ସିଂଙ୍କ ମୃତ୍ୟୁ ମାମଲା : ଆଦିତ୍ୟ ଠାକରେଙ୍କ ମନ୍ତବ୍ୟକୁ ନେଇ ପାଲଟା ଆକ୍ରମଣ କଲେ କଙ୍ଗନା ରାଣାଓ୍ବତ
ମୁମ୍ବାଇ,(କଳିଙ୍ଗ ଜ୍ୟୋତି ବ୍ୟୁରୋ),୦୬/୦୮: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ ନିଜ ବିରୋଧରେ ଆସିଥିବା ଅଭିଯୋଗର ଜବାବରେ ମହାରାଷ୍ଟ୍ର ସରକାରଙ୍କ କ୍ୟାବିନେଟ ମନ୍ତ୍ରୀ ଆଦିତ୍ୟ ଠାକରେ କହିଛନ୍ତି ଯେ ଏହି ମାମଲାରେ ସଡ଼କଛାପ ରାଜନୀତି ଚାଲିଛି। ଏହି ମାମଲା ମାଧ୍ୟମରେ ପରିବାର ସହ ତାଙ୍କ ଉପରକୁ କାଦୁଅ ଫିଙ୍ଗାଯାଉଛି ବୋଲି ସେ କହିଛନ୍ତି। କଙ୍ଗନା ରାନାୱତ ବର୍ତ୍ତମାନ ଆଦିତ୍ୟଙ୍କ ଏହି ଉତ୍ତରରେ ପାଲଟା ଜବାବ ଦେଇଛନ୍ତି।
କଙ୍ଗନା ରାଣାଓ୍ବତଙ୍କ ଦଳ ଟ୍ୱିଟ୍ କରି ଲେଖିଛନ୍ତି, ” ଡର୍ଟି ରାଜନୀତି ବିଷୟରେ କିଏ କହୁଛନ୍ତି ଦେଖନ୍ତୁ। ତୁମ ବାପା କିପରି ସିଏମ ର ଚେୟାର ପାଇଲେ ତାହା ନିଜେ ହିଁ ଡର୍ଟି ରାଜନୀତି । ସବୁକିଛି ଭୁଲିଯାଅ ଏବଂ ସୁଶାନ୍ତ ସିଂ ରାଜପୁତ ମାମଲାରେ ଏହି ୭ ଟି ପ୍ରଶ୍ନର ଉତ୍ତର ତୁମ ପିତାଙ୍କ ଠାରୁ ନେଇଆଣ। “
କଙ୍ଗନା ଏହିସବୁ ପ୍ରଶ୍ନ ପଚାରିଛନ୍ତି
୧.ରିୟା କେଉଁଠାରେ?
୨.ଖାଲି ସେତିକି ନୁହେଁ, ସୁଶାନ୍ତଙ୍କ ମୃତ୍ୟୁକୁ ନେଇ ମୁମ୍ବାଇ ପୋଲିସ କାହିଁକି ଏଫଆଇଆର ପଞ୍ଜିକରଣ କଲା ନାହିଁ?
୩.ଫେବୃଆରୀରେ ଯେତେବେଳେ ସୁଶାନ୍ତ ସିଂ ରାଜପୁତଙ୍କ ପିତା ପୋଲିସକୁ ଚେତାବନୀ ଦେଇଥିଲେ ଯେ ତାଙ୍କ ପୁଅର ଜୀବନ ବିପଦରେ ଅଛି, ମୁମ୍ବାଇ ପୋଲିସ କାହିଁକି ପ୍ରଥମ ଦିନ ଆତ୍ମହତ୍ୟା ବୋଲି ଘୋଷଣା କଲା?
୪.ଖାଲି ସେତିକି ନୁହେଁ, ମୃତ୍ୟୁର ଏକ ସପ୍ତାହ ପୂର୍ବରୁ ସେ ଫୋନରେ କାହା ସହ କଥା ହୋଇଥିଲେ ଜାଣିବା ପାଇଁ ଆମ ପାଖରେ ଫୋରେନସିକ୍ ବିଶେଷଜ୍ଞ କିମ୍ବା ସୁଶାନ୍ତଙ୍କ ଫୋନ୍ ତଥ୍ୟ କାହିଁକି ନାହିଁ?
ଯେଉଁଥିରୁ ମୃତ୍ୟୁର ଏକ ସପ୍ତାହ ପୂର୍ବରୁ ସେ ଫୋନରେ କାହା ସହ କଥା ହୋଇଥିଲେ ତାହା ଜାଣିହେବ ।
୫.କାହିଁକି ଆଇପିଏସ୍ ବିନୟ ତିୱାରୀଙ୍କୁ ଉଦ୍ଦେଶ୍ୟମୂଳକ ଭାବେ କ୍ବାରଂଟିନରେ ରଖାଯାଇଥିଲା ?
୬.ସମସ୍ତେ ସିବିଆଇ ତଦନ୍ତକୁ କାହିଁକି ଭୟ କରୁଛନ୍ତି?
୭.ରିୟା ଏବଂ ତାଙ୍କ ପରିବାର କାହିଁକି ସୁଶାନ୍ତଙ୍କ ଟଙ୍କା ଲୁଟିଲେ?
ଆଦିତ୍ୟ ଠାକରେ କହିଛନ୍ତି, ମୋର ଏହି ବିଷୟରେ କୌଣସି ସମ୍ପର୍କ ନାହିଁ। ବଲିଉଡ ମୁମ୍ବାଇର ଏକ ଗୁରୁତ୍ୱପୂର୍ଣ୍ଣ ଅଂଶ । ଅନେକ ଲୋକଙ୍କ ଜୀବନ ଏହା ଉପରେ ନିର୍ଭର କରେ । ହଁ, ମୋର ମଧ୍ୟ ଏହି ଶିଳ୍ପ ସହିତ ଅନେକ ସମ୍ପର୍କ ଅଛି । କିନ୍ତୁ ତାହା ଅପରାଧ ନୁହେଁ। ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଅତ୍ୟନ୍ତ ଚକିତ ଏବଂ ଦୁଃଖଦାୟକ। ମୁମ୍ବାଇ ପୋଲିସ ଏହି ଘଟଣାର ତଦନ୍ତ କରୁଛି ଏବଂ ମହାରାଷ୍ଟ୍ର ପୋଲିସ ସାରା ବିଶ୍ୱରେ ପ୍ରସିଦ୍ଧ।
ଯେଉଁମାନେ ପ୍ରୋଟୋକଲରେ ବିଶ୍ବାସ କରନ୍ତି ନାହିଁ ସେମାନେ ସମାନ ବ୍ୟକ୍ତି ଯେଉଁମାନେ ଅନୁସନ୍ଧାନକୁ ବିଭ୍ରାନ୍ତ କରୁଥିବା ଅଭିଯୋଗ କରୁଛନ୍ତି । ବାଲ୍ ଠାକରେଙ୍କ ନାତି ଭାବରେ, ମୁଁ ଆପଣଙ୍କୁ କହିବି ଯେ ମୁଁ ଏପରି କିଛି କରିବି ନାହିଁ ଯାହା ମହାରାଷ୍ଟ୍ର, ଶିବସେନା କିମ୍ବା ଠାକରେଙ୍କ ପରିଷ୍କାର ଭାବମୂର୍ତ୍ତିକୁ ନଷ୍ଟ କରିବ ।
