![greentech](https://i0.wp.com/kalingajyoti.com/wp-content/uploads/2022/07/greentech2.jpg?w=1170&ssl=1)
କଳିଙ୍ଗ ଜ୍ୟୋତି ବ୍ୟୁରୋ ନୂଆଦିଲ୍ଲୀ ୦୯/୦୮:କରୋନାରେ ସାରା ଦେଶରେ ୧୯୬ ଜଣ ଡାକ୍ତରଙ୍କ ମୃତ୍ୟୁ ଘଟିଲାଣି। ସେମାନଙ୍କ ମଧ୍ୟରୁ ଅଧିଂକାଶ ସାଧରଣ ବିଭାଗ ଓ ଡାକ୍ତରି ଅଭ୍ୟାସ କରୁଥିବା ଡାକ୍ତର ଅଛନ୍ତି। ଇଣ୍ଡିଆନ ମେଡିକାଲ ଆସୋସିଏସନ୍(IMA) ପକ୍ଷରୁ ଶନିବାର ଏହି ସୂଚନା ଦିଆଯାଇଛି। ଏହି ଘଟଣାରେ IMA ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଛି।
![](https://i0.wp.com/kalingajyoti.com/wp-content/uploads/2020/08/images-16-1.jpg?resize=455%2C245&ssl=1)
IMAର ତଥ୍ୟ ଅନୁସାରେ ଅଧିକାଂଶ ରୋଗୀ ଜ୍ୱର ଓ ତତ୍ ସମ୍ଭନ୍ଧୀୟ ଲକ୍ଷଣ ଦେଖାଦେଲେ ଆଗ ସାଧାରଣ ଡାକ୍ତରଙ୍କ ସହିତ ପରାମର୍ଶ କରିଥାନ୍ତି। ଏଥିପାଇଁ ଏହି ଡାକ୍ତରମାନେ ରୋଗୀ ସମ୍ପର୍କରେ ଅଧିକ ଆସିଥାନ୍ତି। IMA ସଦ୍ୟ ତଥ୍ୟ ଅନୁସାରେ, ଦେଶରେ କୋଭିଡ୍-୧୯ରେ ଆକ୍ରାନ୍ତ ହୋଇ ୧୯୬ ଜଣ ଡାକ୍ତରଙ୍କ ପ୍ରାଣ ଗଲାଣି।
![](https://kalingajyoti.com/wp-content/uploads/2020/08/images-19-2.jpg)
ସେମାନଙ୍କ ମଧ୍ୟରୁ ୧୭୦ ଜଣଙ୍କ ବୟସ ୫୦ରୁ ଅଧିକ ହେବ। ପାଖାପାଖି ୮୦ ପ୍ରତିଶତ ଡାକ୍ତର ଅସୁରକ୍ଷିତ ଶ୍ରେଣୀରେ ଥିଲେ ବୋଲି IMA କହିଛି। ତେବେ ଏହି ମୃତ୍ୟୁ ସଂଖ୍ୟାର ପାଖାପାଖି ୪୦ ପ୍ରତିଶତ ସାଧାରଣ ଚିକିତ୍ସକ ଅଛନ୍ତି।
![](https://i0.wp.com/kalingajyoti.com/wp-content/uploads/2020/08/images-18-4.jpg?resize=432%2C266&ssl=1)
ଭାରତରେ ତାମିଲ୍ନାଡ଼ୁରେ ଅଧିକ ଡାକ୍ତରଙ୍କ ମୃତ୍ୟୁ ହୋଇଛି। ଏହା ପଛକୁ ରହିଛି ମହାରାଷ୍ଟ୍ର ଓ ଗୁଜରାଟ। ଏହି ଦୁଇ ରାଜ୍ୟରେ ୨୩ ଜଣ ଲେଖାଏ ଡାକ୍ତରଙ୍କ ମୃତ୍ୟୁ ହୋଇଥିବା IMA ସୂଚନା ଦେଇଛି। ସେହିଭଳି ବିହାରରେ ୧୯ ଓ ପଶ୍ଚିମ ବଙ୍ଗରେ ୧୬ ଜଣ ଡାକ୍ତରଙ୍କ ମୃତ୍ୟୁ ହୋଇଛି। ଦିଲ୍ଲୀରେ ୧୨ ଜଣ ଡାକ୍ତର କୋଭିଡ୍-୧୯ରେ ପ୍ରାଣ ହରାଇଛନ୍ତି ବୋଲି IMA କହିଛି।
କରୋନା ସମୟରେ ଡାକ୍ତର ଓ ତାଙ୍କ ପରିବାର ସୁରକ୍ଷା ଓ ଯତ୍ନ ସମ୍ପର୍କରେ ଚିନ୍ତା ପ୍ରକଟ କରି ଏହି ଘଟଣାରେ ହସ୍ତକ୍ଷେପ ପାଇଁ ପ୍ରଧାନମନ୍ତ୍ରୀଙ୍କ ପାଖକୁ ଚିଠି ଲେଖିଛି IMA। ଡାକ୍ତରମାନେ ଅଧିକ ରିସ୍କରେ ଥିବାରୁ ସେମାନଙ୍କର ଓ ସେମାନଙ୍କ ପରିବାର ସୁରକ୍ଷା ସହିତ ଲାଇଫ୍ ଇନ୍ସୁରାନ୍ସ ଫେସିଲିଟି ବଢ଼ାଇବାକୁ ଚିଠିରେ ଉଲ୍ଲେଖ କରାଯାଇଛି।